انا بقه جاللى يومين باصحى الصبح اشوف العلم الجزائرى واقرا صحف الجزاير وعايز افكر بالجزاير والبس شخصية جزائرى وطنى من اهل المليون و النصف شهيد ، ولما حسيت انى قربت من الفكر الجزائرى و شخصيته بدات اشوف الاحداث بالجزايرى كالتالى : بلدنا الخضرا مطلعتش كاس العالم ، المصريين خرجونا من كاس العالم 90 وكان الماتش فى مصر فى 89 وكان يكفينا التعادل ،لكن عشان الماتش فى مصر بلدهم وبين جمهورهم قدروا يكسبوا 1-0 بسبب حسام حسن ،وضيعوا علينا الوصول لكاس العالم ،ولما وصلنا الفندق كنا متنرفزين وواحد من المصريين ضايق الاخضر بللومى و طبعا ما سابش حقه كعادة بلد المليون و النص مليون شهيد وفقأعين الطبيب من المصريين وداخل الفندق المصرى وعلى ارض المصريين الوحشيين ، و كعادة المصريين خرجوا الاخضر بللومى خارج البلاد عادى مع طائرة الفريق الجزائرى وعلى المصاب العلاج بالمستشفيات المصرية و على حسابه ولكن ليس هناك علاج فلقد فقد عينه للابد ، المهم بعد 20 سنة بندخل التصفيات المؤهلة تانى مع مصر فى مجموعة فيها زامبيا و رواندة ، وطبعا مش لازم المرة دى المصريين يمنعونا تانى هى هيصة ولا ايه ، ومشت الامور زى ما الجزاير كلها عايزة ، مصر تتغلب من الجزاير فى الجزاير و تتعادل مع زامبيا فى مصر و بلد المليون ونص شهيد بتفوز ف كل الماتشات وباقى لمصر ماتش لازم تكسبه مع زامبيا فى زامبيا واحنا سهلة ماتشنا مع رواندة اللى بره المنافسة ،وكالمتوقع فازت الخضرا على روانده ب 3-1 ( ماكنش له لازمة الواحد ده ) ،والمصريين فازوا بالعافية على زامبيا ،وبقيت مباراة الجزاير فى مصر يكفى الجزائر التعادل او الهزيمة 1-0 عشان تتاهل لكأس العالم 2010 فى جنوب افريقيا ، والمصريين يا اخويا عاشوا فى حلم ووهم كبير و حسابات انهم يغلبوا الفريق الاخضر قال ايه 3-0 و يطلعوهم من كاس العالم ونروح احنا تانى بعد 20 سنة بنفس اللطريقة ، او حتى يكسبونا 2-0 ومن بعد ما كنا جوه كاس العالم قبل الماتش ده يشدونا من صابعنا تانى و يخرجونا بره ونلعب معاهم ماتش فاصل يحدد المؤهل للكاس بالزمة مش ده وهم كبير وبينى بينكم كابوس مخيف وفظيع لو حصل تانى وناخد بمبة ، المهم ما اطاولش عليكم جه ميعاد الماتش فى مصر 14-11-2009 وطبعا كلنا قلقانين من الجمهور و الارض و الاعلام ،حقا ممكن يقلبونا و يخرجونا ، فى الحقيقة معنوياتهم اقوى الفلوس و المكافآت فى انتظار اللعيبة من رجال الاعمال ، الكابوس القديم لسه ادام الاداريين و رجال الاعلام و الرياضة بالخضرا ،مفيش فايدة لازم نسافر و نشوف الكلام ده اللى فى مصر ده صعب ،يعنى اي
